एजेन्सी । जाडो सुरु भएसँगै दिल्लीको हावाको गुणस्तर खराब हुँदै गएको छ । अक्टोबर २३-२४ सम्म वायुको गुणस्तर सूचकाङ्क ‘अत्यन्तै कमजोर’ श्रेणीमा पर्न सक्ने सम्भावनाका कारण दोस्रो चरणको प्रदूषण नियन्त्रण योजनाअन्तर्गतका उपायहरु कार्यान्वयनमा ल्याएको हो ।

 प्रदूषणमा बृद्धि हुने डरको बीचमा, केन्द्र सरकारको वायु गुणस्तर व्यवस्थापन आयोगले शनिबार राष्ट्रिय राजधानी क्षेत्रका अधिकारीहरूलाई पार्किङ शुल्क बढाउन र निजी यातायातलाई निरुत्साहित गर्न सीएनजीरविद्युतीय बसहरू, मेट्रो सेवाहरू प्रतिबन्ध लगाउन निर्देशन दिएको छ।

यो निर्देशन जाडोमा वायु प्रदूषणको सामना गर्न दिल्ली(एनसीआरमा लागू हुने केन्द्र सरकारको चरणबद्ध प्रतिक्रिया कार्य योजनाको दोस्रो चरण अन्तर्गत दिइएको हो। यस बाहेक पहिलो चरणमा दिल्लीको ३०० किलोमिटर भित्रका औद्योगिक एकाइ र थर्मल पावर प्लान्टहरू विरुद्ध दण्डात्मक कारबाही गर्ने र होटल, रेष्टुरेन्ट र खुला भोजनालयमा कोइला र दाउराको प्रयोगमा पूर्ण प्रतिबन्ध लगाइएको छ। निर्माण र भत्काउने साइटहरूबाट धुलो नियन्त्रण गर्न दिशानिर्देशहरूको उचित कार्यान्वयन सुनिश्चित गर्ने पनि पहिलो चरणमा आउँछ।