काठमाडौंमा एअर ट्राफिक जाम, अधिकतम क्षमतामा विमानस्थल सञ्‍चालन

आर्थिकन्यूज
मंगलबार, २१ कार्तिक २०८०

काठमाडौं । त्रिभुवन अन्तर्राष्ट्रिय विमानस्थल अधिकतम क्षमतामा सञ्‍चालन गर्दा पनि चाप धान्न नसकेपछि एअर ट्राफिक जाम भएको छ । विमानस्थलले सबै उडान/अवतरण धान्न नसकेपछि विमानहरू आकाशमा होल्ड भएका हुन्‌ ।

विमानको चापका कारण एअर ट्राफिक जाम भएको विमानस्थल कार्यालयका अधिकारीहरूले जानकारी दिएका छन्‌ । पर्यटकीय सिजन भएको र जाजरकोट भूकम्प प्रभावित क्षेत्रका लागि आपतकालीन उडान व्यवस्था मिलाइएकाले पनि विमानस्थलमा चाप परेको उनीहरूको भनाई छ ।