सेनाका उपरथी पाण्डेको जन्ममिति छानबिन गर्न निर्देशन

आर्थिकन्यूज
विहीबार, २३ कार्तिक २०८०

काठमाडौं । जन्म मिति सच्याएर विवादमा तानिएका नेपाली सेनाका उपरथी ताराध्वज पाण्डेको जन्म मितिका बारेमा छानविन गर्न अख्तियार दुरुपयोग अनुसन्धान आयोगले निर्देशन दिएको छ । नेपाली सेनाका उपरथी ताराध्वज पाण्डेको उमेर विवादमा छानबिन गर्न रक्षा मन्त्रालयलाई निर्देशन दिएको हो ।

पाण्डेको उमेर विवादमा छानबिन गर्न तीन दिनअघि रक्षा मन्त्रालयलाई पत्राचार गरिएको अख्तियार स्रोतले बतायो । पाण्डेले आफू सेनामा भर्ना हुनका लागि आफ्नो उमेर सच्याएर नागरिकतामा केरमेट गरेका थिए ।