काठमाडौं हुँदै थिम्पुमा २ किलो कोकिन पुर्‍याउन खोज्ने को ?

आर्थिकन्यूज
सोमबार, ०४ मंसिर २०८०

काठमाडौं । काठमाडौं हुँदै भुटानको थिम्पु पुर्‍याउन खोजिएको २ किलो कोकिनसहित भारतकी एक महिला पक्राउ परेकी छिन्‌ । मिजोरम घर भएकी ३२ वर्षीया किमरो साँगी इथियोपियाबाट दोहा हुँदै कोकिन बोकेर सोमबार काठमाडौं आइपुगेकी थिइन्‌ ।

सोमबार बिहान १० बजेतिर उनलाई कोकिनसहित नेपाल प्रहरीले पक्राउ गरेको हो । साँगीको साथबाट प्रहरीले १९७३ ग्राम कोकिन बरामद गरेको छ । कोकिन तस्करीबारे अनुसन्धान भइरहेको प्रहरीले जानकारी दिएको छ ।