एजेन्सी। अन्ततः एलन मक्सको रकेट निर्माता अन्तरिक्ष कम्पनी स्पेस एक्ससँग प्रतिस्पर्धामा रहेको अमेजनका मालिक जेफ बेजोसको ब्लू ओरिजिन हार स्वीकारको अवस्थामा पुगेको छ। उनको अन्तरिक्ष कम्पनी ब्लू ओरिजिनका अन्तरिक्ष प्रयासहरू असफल भएसँगै यी दुई प्रतिस्पर्धी काम पनि बीच भएको नयाँ सम्झौताका आधारमा यस्तो भनिएको हो ।

यस वर्षको सुरुमा नियमित परीक्षणको क्रममा रकेट इन्जिन विस्फोट सहित निराशाजनक नतिजा ब्लू ओरिजीनले हात पार्‍यो । त्यस्तो समस्याका कारण अमेजनले प्रतिद्वन्द्वी एलोन मस्कको स्पेसएक्ससँग भविष्यको रकेट प्रक्षेपणका लागि सम्झौतामा हस्ताक्षर गर्न बाध्य भयो।

शुक्रबार एक प्रेस विज्ञप्तिमा अमेजनले घोषणा गर्‍यो कि यसले "स्पेसएक्ससँग तीन वटा फाल्कन-९ प्रक्षेपणका लागि एउटा सम्झौतामा हस्ताक्षर गरेको छ। यसले परियोजना कुइपर अन्तर्गत अमेजनको लो अर्थ अर्बिट उपग्रह ब्रोडब्यान्ड नेटवर्कको लागि तयार गरिएका योजनाहरूलाई समर्थन गर्ने छ। यी मिसनहरू २०२५ को मध्यमा सुरु गर्ने लक्ष्य राखिएको छ ।", अमेजनले भन्यो।

प्रोजेक्ट कुइपरसँग स्पेसएक्सको स्टारलिंकको तुलनामा केवल मुट्ठीभर उपग्रहहरू छन्। स्पेसएक्सको स्टारलिंकका लागि अहिले ४ हजार भन्दा बढी उपग्रहले काम गरिरहेका छन् भन्दा बढी उपग्रहहरू छन्। अमेजनले ७७ वटा भारी-लिफ्ट रकेटहरूको पहिलो खरिद एरियनस्पेस, ब्लू ओरिजिन र युनाइटेड लन्च एलायन्सबाट गरेको थियो। ब्लू ओरिजिनको ढिलाइले अमेजनलाई थप प्रक्षेपण क्षमताको लागि स्पेसएक्स सँग सम्झौता गर्न बाध्य तुल्यायो।

यो पहिलो पटक हो जब बेजोस आफ्नो अन्तरिक्ष प्रयासमा मद्दतको लागि मस्कतिर फर्केका छन् र ब्लू ओरिजिनसँग सबै कुरा ठिक छैन भन्ने स्वीकार गरेका छन्।