एनआरएनएको अध्यक्षमा नेकपाको समर्थन पाएका पन्त विजयी

आर्थिकन्यूज
शुक्रबार, ०१ कार्तिक २०७६

काठमाडौं । गैरआवासीय नेपाली संघ (एनआरएनए) को राजधानीमा जारी नवौं विश्व सम्मेलनले नयाँ नेतृत्व चयन गरेको छ । एनआरएनएको अध्यक्षमा कुमार पन्त विजयी भएका छन्।

पन्तले कुल आचार्यलाई पराजीत गरेका हुन् । सत्तारुढ दल नेकपाको समर्थन पन्तलाई थियो भने विपक्षी दल नेपाली कांग्रेसको आचार्यलाई समर्थन रहेको थियो । त्यस्तै संघको सचिवमा गौरीराज जोशी, कोषाध्यक्षमा महेशकुमार श्रेष्ठ, सहकोषाध्यक्षमा लोक दाहाल विजयी भएका छन्। यद्यपि, मतपरिणामको आधिकारिक घोषणा भने हुन बाँकी छ ।