महराको अनुसन्धान प्रक्रिया अझै लम्बिने, अब डिएनए परिक्षण हुने

आर्थिकन्यूज
विहीबार, ०७ कार्तिक २०७६

काठमाडौं । पूर्वसभामुख कृष्णबहादुर महराको डिएनए परिक्षण हुने भएको छ । काठमाडौं जिल्ला अदालतले सात दिन हिरासतमा राखेर अनुसन्धान गर्ने आदेश दिएपछि प्रहरीले माग गर्दै आएको डिएनए परिक्षण गर्न महरा सहमत भएका हुन ।

महानगरीय अपराध महाशाखाले अनुसन्धान नसकिएको भन्दै पुन म्याद थपको माग गरेको थियो, त्यसमा बिहीबार न्यायाधीश सुदर्शनराज पाण्डेको इजलासले थप सात दिन हिरासतमा राखेर अनुसन्धान गर्न अनुमति दिएको हो । संसद सचिवालयकी कर्मचारी रोशनी शाहीमाथि यौन दुर्व्यवहारको आरोप लगाएपछि प्रहरीले महरालाई असोज १९ गते साँझ पक्राउ गरेको थियो ।