काठमाडौं । भारतीय अर्बपति मुकेश अम्बानीको कम्पनी रिलायन्स इण्डष्ट्रिजले भारतको शेयर बजारमा नयाँ रेकर्ड कायम गरेको छ । बिहीबार कम्पनीले मार्केट क्याप १० लाख करोड भारु पार गरेसँगै रेकर्ड कायम गरेको होे । 
बिहीबार प्रतिशेयर १५७९ भारुमा कारोबार हुँदै कम्पनीको कुल बजार मूल्य १० लाख करोड भारु हुने पहिलो भारतीय कम्पनी बन्न सफल भएको हो । कम्पनीले एक महिनाको अवधिमा एक लाख करोड बजार मूल्य वृद्धि गरेको समाचार एजेन्सीले जनाएका छन् ।
रिलायन्सपछि टाटा कन्सटेन्सी सर्भिसको कुल बजार मूल्य ७.८१ लाख करोड भारु रहेको छ । तेस्रो स्थानमा एचडीएफसी बैंकको ६.९६ लाख करोड भारु चौथोमा हिस्दुतान युनिलिभर कम्पनीको ४.५० लाख करोड भारु र पाँचौमा एचडीएफसी कम्पनीको ४ लाख करोड भारु कुल बजार मूल्य रहेको छ ।