मलेसियामा सप्तरीका एक युवकको मृत्यु

आर्थिकन्यूज
आइतबार, २२ बैशाख २०७६

काठमाडौं । वैदेशिक रोजगारका क्रममा मलेसिया गएका सप्तरीको एक युवकको मृत्यु भएको छ । सप्तरीको हनुमाननगर कङ्काल्नी नगरपालिका–१ भारदहका ४० वर्षीय दीपेन्द्र दासको दुई दिन मृत्यु भएको उनका दाजु जशो दासले बताए ।

दासको इँट्टा बनाउने मेसिनमा च्यापिएर मृत्यु भएको हो । यसैबीच दासको शव नेपाल ल्याउन पहल गर्न उनको परिवारले सरकारसँग माग गरेको छ ।