एजेन्सी। भारतीय सेक्युरिटी एण्ड एक्सचेन्ज बोर्ड (सेबी)ले भारतका 'बिग बुल'का रुपमा परिचित  लगानीकर्ता झुनझुनवाला विरुद्ध अपटेक लिमिटेडको सेयरमा "इन्साइडर ट्रेडिंग" गरेको आरोपमा अनुसन्धान शुरू गरेको छ । यो फर्म पारिवारिक स्वामित्वको त्यस्तो शिक्षा फर्म हो जसको उनि अध्यक्ष हुन्।

इनसाइडर ट्रेडिंगले शेयर जानकारीमा ट्रेडिंगको अवैध अभ्यासलाई जनाउँदछ गोप्य जानकारीमा पहुँच गरेर आफ्नै फाइदाको लागि कारोबारलाई प्रभावित गर्ने कार्यलाई 'इनसाइडर ट्रेडिंग' भनेर बुझिन्छ ।

समाचारहरुमा उल्लेख भए अनुसार "नियामकले अनियमित कारोबारका लागि फेब्रुअरी २०१६ देखि सेप्टेम्बर २०१६ को समय सीमा राखेर त्यो बेलाको कारोबार  जाँच्दैछ। जुन आन्तरिक सुचना चुवाहटको आधारमा गरिएको हो भन्ने आशंका छ।" झुंझुनवाला बाहेक सेबीले उनका भाई राजेशकुमार झुनझुनवाला र उनकी पत्नी रेखा झुनझुनवाला लगायत उनको परिवारका सदस्यहरूको भूमिकाबारे पनि अनुसन्धान गरिरहेको छ।

समाचारका अनुसार झुंझुनवालाका भाई र श्रीमतीले सेप्टेम्बर ७, २०१६ मा आईटी फर्ममा ७६३०५७ कित्ता  सेयर किनेका थिए। आफ्नो २४.२२४ प्रतिशत सेयर रहेको एप्प्टेक राकेश झुनझुनवालाको पोर्टफोलियोमा एकल कम्पनी हो जसको व्यवस्थापन उनको नियन्त्रण छ।  करीव १६० करोड मूल्य बराबरीको शेयर उनको छ ।

सन् २००५ मा झुंझुनवालाले पहिलो पटक अप्टेकमा हिस्सा लिएका थिए। जम्मा १० प्रतिशत शेयर उनले प्रति शेयर ५६ रुपयाँका दरले किनेका थिए । त्यसबेलादेखि उनले आफ्नो हिस्सा बिस्तार बिस्तारै बढाउदै लागेका छन्। सेबीले सेबी ऐनको धारा ११ सी अन्तर्गत उनलाई पत्र लेखेको छ जसले सो नियामकलाई कुनैपनी व्यक्तिलाई बोलाउन अधिकार दिन्छ।

झुंझुनवाला भारतको वारेन बफेट भनेर चिनिन्छन्। ब्लूमबर्ग बिलियनेर इन्डेक्सका अनुसार 'बिग बुल' झुनझुनवालाको सम्पत्ति अगस्ट २०१९ को अन्त्यमा २.५  अर्ब डलर भन्दा बढी छ।

यो पनि पढ्नुहोस्,

झुनझुनवालाले मन बदल्दा एस बैंकमा गयो पहिरो

भारतमा एक कम्पनीको बजारपुँजीकरण एकैदिनमा १५ हजार करोडले घट्यो