ङादी ग्रुप पावरको साधारण सभा फागुन २७ गते

आर्थिकन्यूज
सोमबार, ०५ फागुन २०७६

काठमाडौं । ङादी ग्रुप पावर लिमिटेडले फागुन २७ गते मंगलवार छैठौँ वार्षिक साधारण सभा बोलाएको छ । सभा अमृतभोग क्याटरर्स, कालिकास्थानमा बिहान १० बजे शुरु हुनेछ । सभाले हाल कायम चुक्तापूँजीको १० प्रतिशत नगद लाभांश वितरण गर्ने र लेखापरीक्षक नियुक्त गर्ने प्रस्ताव पारित गर्नेछ ।

साधारण सभा तथा लाभांश वितरण प्रयोजनका लागि कम्पनीले फागुन १५ गते एक दिनका लागि शेयरधनी दर्ता पुस्तिका बन्द गर्नेछ । यस अनुसार फागुन १४ गतेसम्म कायम भएका शेयरधनीहरुले मात्र साधारण सभामा भाग लिन तथा लाभांश प्राप्त गर्न सक्नेछन् ।