काठमाडौं । ज्योति लाईफ इन्स्योरेन्स कम्पनीको २०७६ अषाढ मसान्त सम्ममा जारी भएका मुनाफामा सारिक हुने बीमालेखहरुमा दिने बोनस दर प्रतिहजार न्युनतम रुपैयाँ ४३  देखि ७५  रुपैयाँसम्म घोषणा गरेको छ ।

आ.व. २०७५÷२०७६ को आर्थिक लेखा जोखा तथा दायित्व मुल्याङ्कन बारे कम्पनीको बिमाङ्कीबाट तयार गरिएका बिमाङ्कीय प्रतिवेदन बीमा समितिबाट भदौ १२ गते स्वीकृत भईसावधिक जीवन बीमालेखका  लागि ९ वर्षसम्म अवधिको  ४३  रुपैयाँ निर्धारण भएको कम्पनीले जनाएको छ  । त्यस्तै १०  देखि १४ वर्ष अवधिको  ४५ रुपैयाँ, १५ देखि १९ वर्ष  अवधिको लागि ५० रुपैयाँ, २० देखि २४  वर्ष अवधिको  ५५  रुपैयाँ र २५  वा सोभन्दा माथि वर्षको सावधिक जीवन बीमालेखका लागि ७५ रुपैयाँ बोनश दर तोकेको छ । 

 सावधिक तथा आजीवन जीवन  बीमालेखका लागि ९ वर्ष सम्म अवधिको  ४३  रुपैयाँ, १०  देखि १४ वर्ष अवधिको  ४५ रुपैयाँ  , १५ देखि १९ वर्ष  अवधिको  ५० रुपैयाँ, २० देखि २४  वर्ष अवधिको  ५५  रुपैयाँ र २५  वा सोभन्दा माथि वर्ष अवधिको  बीमालेखमा  ७५ रुपैयाँ बोनश दर तोकेको छ ।

 त्यस्तै अग्रिम भुक्तानी जीवन बीमालेखका लागि १० देखि १४ वर्ष अवधिको ४३  रुपैयाँ , १५ देखि १९ वर्ष अवधिको बीमालेखमा ४५  रुपैयाँ, २० देखि २४  वर्ष अवधिको  बीमालेखका लागि ५०  रुपैयाँ बोनश दर तोकेको कम्पनीले जनाएको छ ।