टिपर आतंक फेरि शुरु, तीनकुनेमा एक जनाको ज्यान गयो

आर्थिकन्यूज
शनिबार, २७ भदौ २०७७

काठमाडौं । काठमाडौंको तीनकुनेमा टिपरको ठक्करबाट एक जनाको ज्यान गएको छ । प्रदेश ३(०१००३ क ४५६३ नम्बर टिप्परको ठक्करबाट बा २९ प १४७९ नम्बरको मोटरसाइकलका चालक भक्तपुरका ५५ वर्षका अनिल गौतमको ज्यान गएको महानगरीय ट्राफिक प्रहरी महाशाखाले जनाएको छ ।

गएराति पौने १० बजे टिप्परको ठक्करबाट गौतमको ज्यान गएको हो । उनको उपचारका क्रममा सिभिल अस्पतालमा ज्यान गएको प्रहरीले जनाएको छ । टिप्पर चालकलाई प्रहरीले पक्राउ गरेको छ ।