काठमाडौं । छ्याङदी हाइड्रोपावर लिमिटेडले ५ दशमलव २६ प्रतिशत लाभांश र ३० प्रतिशत हकप्रद शेयर निष्कासनको प्रस्ताव गर्दै साधारण सभा आव्हान गरेको छ । कम्पनीले आर्थिक वर्ष २०७६÷७७ को मुनाफाबाट ५ प्रतिशत बोनस शेयर र कर प्रयोजनका लागि शून्य दशमलव २६ प्रतिशत नगद लाभांश वितरणको प्रस्ताव गरेको हो ।

 ५ प्रतिशत बोनस शेयर वितरण पश्चात कायम हुने २९ करोड ७६ लाख ७५ हजार रुपैयाँको आधारमा ३० प्रतिशत हकप्रद शेयर वितरणको प्रस्ताव पनि सभाको लागि तय भएको छ ।

कम्पनीको मंसिर ३० गतेको सञ्चालक समितिको बैठकले पुस २७ गते प्रस्तावित लाभांश सहित विविध प्रस्ताव पारित गर्न सभा बोलाएको हो । सभा भर्चुअल माध्यबाट गर्ने निर्णय पनि कम्पनीले गरेको छ । सभा प्रयोजनका लागि कम्पनीले पुस १७ गते बुक क्लोज गर्ने भएकाले पुुस १६ गतेसम्म कायम शेयरधनीहरु सभामा भाग लिन र लाभांश प्राप्त गर्न सक्नेछन् ।