महुली लघुवित्तको लाभांश प्रस्ताव सार्वजनिक

आर्थिकन्यूज
आइतबार, ०२ फागुन २०७७

काठमाडौं । महुली लघुवित्त वित्तीय संस्था लिमिटेडले गत आर्थिक वर्षको प्रस्तावित लाभांश सार्वजनिक गरेको छ । नेपाल स्टक एक्सचेञ्ज मार्फत सार्वजनिक सुचनामा यस वर्ष कम्पनीले २० प्रतिशत बोनस शेयर र कर प्रयोजनका लागि १ दशमलव शून्य ५ प्रतिशत नगद लाभांश दिने उल्लेख छ ।

कम्पनीले हाल कायम चुक्तापूँजी रू. १८ करोड ६६ लाख २० हजारको आधारमा उक्त लाभांश वितरण गर्ने निर्णय कम्पनीको माघ २९ गतेको सञ्चालक समितिको बैठकले गरेको हो । प्रस्तावित लाभांश नेपाल राष्ट्र बैंकको स्वीकृति पश्चात कम्पनीको आगामी साधारण सभाले पारित गरेपछि वितरण हुनेछ ।