ग्रीन लाइफ हाइड्रोपावरको शेयरमूल्य १० प्रतिशत बढ्यो

आर्थिकन्यूज
विहीबार, ०५ चैत्र २०७७

काठमाडौं । मंगलवारदेखि दोस्रो बजारमा कारोबार सुरु भएको ग्रीन लाइफ हाइड्रोपावरको शेयरमूल्य बिहीवार १० प्रतिशतले बढेको छ । कम्पनीको शेयरमूल्य निरन्तर उच्च दरमै बढीरहेको छ । बुधवार प्रतिकित्ता रू. ३२ ले बढेर अन्तिम मूल्य रू. ३६० पुगेको कम्पनीको बिहीवार कारोबारको पाँच मिनेटमै प्रतिकित्ता रू. ३६ ले बढेर अन्तिम मूल्य रू. ३९६ कायम भएको हो ।

कम्पनीको शेयर खरिद चाप उच्च हुदाँ मूल्यमा पनि उच्च बृद्धि भएको हो । कारोबारको दश मिनेटको अवधिसम्म कम्पनीको २ लाख १६ हजार ८७२ कित्ता शेयर खरिद माग रहेको छ । यो अवधिसम्म विक्री कर्ता भने देखिएका छैनन् ।