काठमाडौं । विप्रेषण(रेमिट्यान्स) आप्रवाह ८.६ प्रतिशतले वृद्धि भई ६४२ अर्ब १४ करोड रुपैयाँ पुगेको छ । अघिल्लो वर्षको  सोही अवधिमा विप्रेषण आप्रवाह १.५ प्रतिशतले बढेको थियो । अमेरिकी डलरमा विप्रेषण आप्रवाह ५.० प्रतिशतले  वृद्धि भई ५ अर्ब ४५ करोड पुगेको राष्ट्र बैंकले जारी गरेको आठ महिनाको प्रतिवेदनमा उल्लेख छ । अघिल्लो वर्ष यस्तो आप्रवाह १.५ प्रतिशतले बढेको थियो ।  

वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ र  वैधानिकीकरण) लिने नेपालीको संख्या ७४.८ प्रतिशतले घटेको छन । अघिल्लो वर्षको सोही अवधिमा यस्तो संख्या  २४.२ प्रतिशतले बढेको थियो । 

वैदेशिक रोजगारीका लागि पुनः श्रम स्वीकृति लिने नेपालीको संख्या समीक्षा  अवधिमा ६५.२ प्रतिशतले घटेको छ । अघिल्लो वर्षको सोही अवधिमा यस्तो संख्या २.७ प्रतिशतले घटेको थियो ।