काठमाडौं । जनरल इन्स्योरेन्स कम्पनी नेपालको आ.व. २०७६/२०७७ को तेस्रो वार्षिक साधारण सभा मिति २०७८ आषाढ २१ गते सोमबारका दिन केन्द्रीय कार्यालयमा बिहान ११ः०० बजे शुरु भई १२:१० मा सम्पन्न भएको हो ।

  सभाले सर्वसाधारण शेयरधनीहरुको प्रतिनिधित्व गर्ने संचालकमा सरस्वती गौतम (ज्ञवाली), र अमृत बन्जाडे निर्विरोध निर्वाचित गरेको छ भने कोभिड–१९ राहत कोषमा सहयोग गरेको रकम अनुमोदन गर्ने समेत जनाएको छ । 

सभाले संचालक समितिको तर्फबाट अध्यक्षद्धारा प्रस्तुत हुने कम्पनीको आ.व २०७६/०७७ को वार्षिक प्रतिवेदन,  लेखापरीक्षकको प्रतिवेदन सहितको आ.व. २०७६/०७७ को, २०७७ आषाढ मसान्त सम्मको वासलात पेश भएको थियो ।  नाफा नोक्सान हिसाव तथा नगद प्रवाह सम्वन्धी विवरण, आ.व.२०७७/०७८ को लागि बाह्य लेखापरीक्षक नियुक्त गर्ने र निजको पारिश्रमिक तोकेको छ ।