काठमाडौं । पछिल्लो समय नेपाल धितोपत्र बोर्डले तीन जलविद्युत कम्पनीहरुलाई आईपीओ विक्री गर्न अनुमति प्रदान गरेको छ । बोर्डले न्यादी हाइड्रोपावर लिमिटेडलाई साउन ११ गते, साहस उर्जा लिमिटेडल र बुद्धभूमि नेपाल हाइड्रोपावर कम्पनी लिमिटेडलाई साउन १४ गते आईपीओ विक्रीको अनुमति दिएको हो ।  

न्यादी हाइड्रोपावरले आयोजना प्रभावित स्थानिय सहित सर्वसाधारपणमा जारी पूँजीको २७ प्रतिशत दरको रू. ४० करोड ५० बराबरको ४० लाख ५० हजार कित्ता र साहस उर्जा लिमिटेडले पनि आयोजना प्रभावित स्थानिय र सर्वसाधारण सहित जारी पूँजीको ३० प्रतिशत दरको रू. १ अर्ब ५० करोड बराबरको १ करोड ५ लाख कित्ता आईपीओ विक्रीको अनुमति पाएको हो । 

त्यस्तै बुद्धभुमि नेपाल हाइड्रो पावर कम्पनीले पनि आयोजना प्रभावित स्थानियका सहित सर्वसाधारणमा जारी पूँजीको ३० प्रतिशत दरले रू. १२ करोड बराबरको १२ लाख कित्ता आईपीओ विक्रीको अनुमति पाएको हो । न्यादी हाइड्रोपावरको आईपीओ विक्री प्रबन्धकमा ग्लोबल आइएमई क्यापिटल, साहस उर्जा लिमिटेडको एनआईबिएल एस क्यापिटल र बुद्धभूमि नेपालको सिभिल क्यापिटल मार्केट लिमिटेड रहेको छ ।