काठमाडौं । सरकारले सामाजिक सुरक्षा कोष लागू गरेको आठ महिना भइसकेको छ । अझै सामाजिक सुरक्षा कोषमा आबद्ध हुने रोजगारदाता संख्या न्यून रहेका छन् । नेपालमा नौ लाख संस्थामध्ये हालसम्म ३ हजार ४२० वटा संस्थामात्रै सूचीकृत भएका छन् । 

आर्थिक तथा सामाजिक रूपले जोखिममा रहेका नागरिकलाई सुविधा दिने उद्देश्यले सामाजिक सुरक्षा कोष सञ्चालन गरिएको हो । कोषको उद्देश्य अुनसार अझै पनि रोजगारदाता कम्पनीको उपस्थित भने न्यून छ ।

सामाजिक सुरक्षा कोषमा २०७५ मंसिर ६ गतेदेखि सरकारले औपचारिक रूपमा यसको शुरुवात गरेको हो । कोषमा सूचीकृत हुन सरकारले २०७६ वैशााख १५ गतेसम्मको समय सीमा दिएको थियो । 

यस समयमा नेपालमा भएका सम्पूर्ण संघ संस्थाहरू आबद्ध भइसक्नुपर्ने नियम लागू गरिएको छ । तर, त्यो नियम पूर्ण कार्यान्वयन हुन नसक्दा कोषले असार मसान्तसम्मको समय थियो असार मसान्तसम्ममा पनि आबद्ध हुने संस्था न्यून देखिएको छ । 

नेपालमा दर्ता भएका सम्पूर्ण निजी संघ संस्था नौ लाख र त्यसमा काम गर्ने कर्मचारी ३४ लाख रहेका छन् । तर, सामाजिक सुरक्षा कोषमा असार २३ गते सोमबारसम्म ३ हजार ४२० संघसंस्था र १६ हजार १२० जना कर्मचारी मात्र आबद्ध भएका छन् । 

प्रचारप्रसारको लागि २७ जना विद्यार्थी परिचालन
सामाजिक सुरक्षा कोषमा आबद्ध हुने संख्या न्यून भएपछि कोषले त्रिभुवन विश्वविद्यालयका २७ जना विद्यार्थी प्रचारप्रसारको लागि परिचालन गरेकोे निर्देशक रमा भट्टराई बताइन् । 

सातै वटै प्रदेशमा विद्यार्थीलाई परिचालन गरिएको छ । परिचालन गरिएका २७ जना विद्यार्थीले डेढ महिनामा १४ हजार ब्रोसर बाढ्ने काम भएको भट्टराईले जानकारी दिइन् । सामाजिक सुरक्षा कोषको जानकारी गराउन र संस्था आबद्ध गराउने प्रयास जारी रहेको उनको भनाइ छ । कोषमा पहिला ठूला कम्पनीलाई आबद्ध गराउने प्रयास गरेको कोषले जनाएको छ । 

कार्यक्रमको शुरुवात पूर्व चासो देखाएर कार्यक्रम हेर्न र सोध्न आउनेको उल्लेख्य भए पनि कोषमा आबद्ध हुन भने नआएको भट्टराई बताउँछिन् । संस्थाहरू कोषमा आवेदन नभए साउनदेखि सरकारको निर्णयबाट अगाडि बढ्ने उनले बताइन् । 

कोषमा आबद्ध हुने संस्थाको सूचिसहित