एनएलजी इन्स्योरेन्सको सिईओ पन्त प्रबल जन सेवा श्री पदकबाट विभूषित

आर्थिकन्यूज
आइतबार, ०३ असोज २०७८

काठमाण्डौं । संविधान दिवसको अवसरमा एनएलजी इन्स्योरेन्सको प्रमुख कार्यकारी अधिकृत सुनिलबल्लभ पन्तलाई विभूषित गरिएको छ । राष्ट्रपतिको कार्यालयबाट हुने नौ सय भन्दा बढीको सूचीमा बीमा सेवा क्षेत्रबाट पन्त पनि चयनमा परेका छन् ।

मन्त्री परिषद्को सिफारिसमा एनएलजी इन्स्योरेन्सको प्रमुख कार्यकारी अधिकृत सुनिलबल्लभ पन्तलाई प्रबल जन सेवा श्री पदकबाट सम्मान् गर्ने घोषणा गरिएको हो ।

पन्त २०७५ असोज २४ गतेदेखि एनएलजी इन्स्योरेन्सको प्रमुख कार्यकारी पदमा कार्यरत छन् । एनएलजी इन्स्योरेन्समा सहायक पदबाट बीमा क्षेत्रमा सेवा शुरु गरेका पन्तसँग दुई दशकभन्दा लामो कार्य अनुभव रहेको छ ।