काठमाडौं । ज्योति लाईफ इन्स्योरेन्स कम्पनीले आफ्ना बीमीतहरुका लागि बोनसदर निर्धारण गरेको छ । कम्पनीको आ.व. २०७६÷२०७७ को आर्थिक लेखा जोखा तथा दायित्व मुल्याङ्कन बारे कम्पनीको बिमाङ्कीबाट तयार गरिएका बिमाङ्कीय प्रतिवेदन  बीमा समितिबाट भदौ १२ मा स्वीकृत भई २०७६ अषाढ मसान्तसम्ममा  जारी भएका मुनाफामा सारिक हुने बीमालेखहरुमा दिने बोनस दर प्रतिहजार न्युनतम रुपैयाँ ४३  देखि ७५  रुपैयाँसम्म घोषणा गरेको हो । 

सावधिक जीवन बीमालेखका  लागि ९ वर्षसम्म अवधिको  ४३  रुपैयाँ, १०  देखि १४ वर्ष अवधिको  ४५ रुपैयाँ  , १५ देखि १९ वर्ष  अवधिको लागि ५० रुपैयाँ, २० देखि २४  वर्ष अवधिको  ५५  रुपैयाँ र २५  वा सोभन्दा माथि वर्षको सावधिक जीवन बीमालेखका लागि ७५ रुपैयाँ बोनश दर तोकेको छ । 

त्यस्तै, सावधिक तथा आजीवन जीवन  बीमालेखका लागि ९ वर्ष सम्म अवधिको  ४३  रुपैयाँ, १०  देखि १४ वर्ष अवधिको  ४५ रुपैयाँ  , १५ देखि १९ वर्ष  अवधिको  ५० रुपैयाँ, २० देखि २४  वर्ष अवधिको  ५५  रुपैयाँ र २५  वा सोभन्दा माथि वर्ष अवधिको  बीमालेखमा  ७५ रुपैयाँ बोनश दर तोकेको छ । त्यस्तै अग्रिम भुक्तानी जीवन बीमालेखका लागि १० देखि १४ वर्ष अवधिको ४३  रुपैयाँ , १५ देखि १९ वर्ष अवधिको बीमालेखमा ४५  रुपैयाँ, २० देखि २४  वर्ष अवधिको  बीमालेखका लागि ५०  रुपैयाँ बोनश दर तोकेको कम्पनीले जनाएको छ ।