प्रिमियर इन्स्योरेन्सले ८४ प्रतिशत बोनस शेयर दिने

आर्थिकन्यूज
सोमबार, ३० असार २०७६

काठमाडौं । प्रिमियर इन्स्योरेन्सले गत वर्षको मुनाफाबाट लगानीकर्तालाई ८४ प्रतिशत बोनस शेयर दिने प्रस्ताव साधारण सभा लैजाने भएको छ । मंगलबार हुने कम्पनीको साधारण सभाले पारित गरेपछि वितरण हुनेछ । साधारण सभा प्रयोजनका लागि कम्पनीले असार २० गते बुक क्लोज गरेको छ ।
१ अर्ब रुपैयाँ चुक्तापुँजी पुर्याउन कम्पनीले बोनस शेयर वितरण गर्न लागेको हो । बोनस शेयर कर प्रयोजनका लागि नगद लाभांश भने दिने छैन । हाल कम्पनीको चुक्ता पुँजी ५८ करोड ४० लाख छ । प्रस्तावित बोनस शेयर वितरण पछि चुक्ता पुँजी १ अर्ब ७ करोड ४५ लाख ६० हजार पुग्नेछ ।