एजेन्सी । चर्चित पनामा पेपर्स प्रकरणमा  बलिउडका हस्ती बच्चन परिवारको नाम जोडिएको छ । आज बलिउड अभिनेत्री ऐश्वर्या राई दिल्लीको लोकनायक भवनमा ईडीसमक्ष हाजिर हुने भएकी छिन् । ईडी अधिकारीहरूले प्रश्नहरूको सूची तयार गरिसकेका छन् । वास्तवमा पनामा पेपर्स मामिलामा भारतका करिब ५०० व्यक्ति संलग्न भएको सार्वजनिक भएको थियो । यी नेताहरूमा अभिनेता, खेलाडी, व्यापारी सबै वर्गका प्रतिष्ठित व्यक्तिहरूको नाम छ । यी व्यक्तिहरू कर छलीको आरोपमा पनामा पेपर्सले नाम सार्वजनिक गरेको थियो ।  यस सम्बन्धमा कर अधिकारीहरु अनुसन्धानमा जुटेका छन् ।

अभिषेक बच्चन पनि एक महिनाअघि अनुसन्धानमा सामेल भएका थिए ।  पानामा पेपर्स प्रकरण लामो समयदेखि अनुसन्धानको क्रममा छ । ईडीका अधिकारीहरूले देशका धेरै ठूला व्यक्तित्वहरूलाई अनुसन्धानमा सामेल गरेका छन् । उनीहरूले केही कागजातहरू ईडी अधिकारीहरूलाई पनि बुझाएका छन्। ईडी स्रोतको विश्वास गर्ने हो भने चाँडै नै उनका पिता अमिताभ बच्चनलाई पनि ईडीले यस मामिलामा नोटिस दिएर बोलाउन लागेको छ ।

२०१६ मा, बेलायतमा पनामा–आधारित कानूनी फर्मको ११.५ करोड कर कागजातहरू लीक भएको थियो । जसमा विश्वभरका ठूला नेता, व्यापारी र ठूला व्यक्तित्वको नाम सार्वजनिक भएको थियो । भारतको कुरा गर्दा झण्डै ५ सय जनाको नाम सार्वजनिक भएको थियो । यसमा बच्चन परिवारको नाम पनि समावेश भएको छ । एक रिपोर्टका अनुसार अमिताभ बच्चनलाई ४ कम्पनीको निर्देशक बनाइएको थियो । तीमध्ये तीन बहामासमा थिए भने एक भर्जिन टापुमा थिए । यी १९९३ मा सिर्जना गरिएको थियो । यी कम्पनीको पूँजी ५ हजारदेखि ५० हजार डलरसम्म थियो तर यी कम्पनीले ती जहाजको व्यापार गर्दै आएका थिए । जसको मूल्य करोडौं थियो ।

ऐश्वर्या यसअघि एउटा कम्पनीको निर्देशक बनेकी थिइन् । पछि उनलाई कम्पनीको शेयरधनी घोषणा गरियो । कम्पनीको नाम अमिक पार्टनर्स प्राइभेट लिमिटेड थियो । यसको मुख्यालय भर्जिन टापुमा थियो ।  ऐश्वर्याका अलावा बुबा के. राई, आमा वृन्दा राई र भाइ आदित्य राई पनि कम्पनीमा उनका साझेदार थिए । यो कम्पनी २००५ मा स्थापना भएको थियो । तीन वर्षपछि अर्थात् सन् २००८ मा कम्पनी बन्द भयो