एजेन्सी। निसानले नयाँ कम्प्याक्ट इलेक्ट्रिक गाडीको घोषणा गरेको छ। निसान माइक्राको सफलतापछि यो कार ल्याउन लगिएको हो। सुरुमा यो कार इलेक्ट्रिक अवतारमा ल्याएर युरोपेली बजारमा बिक्री गरिने भएको छ । 

यो सानो साइजको इलेक्ट्रिक कार फ्रान्सको निसान कारखानामा बनाइने र  निकै किफायती हुने कम्पनीले बताएको छ । किफायती भएकाले भारत लगायत नेपालमा  पनि आउन सक्ने कम्पनीले जनाएको छ। 

जापानी ब्रान्डले यो नयाँ इलेक्ट्रिक गाडी निसानको एम्बिशन २०३० भिजनको एक हिस्सा भएको बताएको छ । बाँकी ईभीहरूमा  निसान आरिया, नयाँ इलेक्ट्रिक क्रसओभर, नयाँ काशकाई र  एक्स–ट्रेल समावेश छन्।

यो कम्प्याक्ट ईभी निसानद्वारा डिजाइन गरिएको हो र रेनोले उत्पादन गर्नेछ। जसले सीएमएफ सी–ईवी प्लेटफर्ममा यो इलेक्ट्रिक कार निर्माण गर्नेछ। यस प्लेटफर्मको साथ, दुवै कम्पनीहरूलाई आफ्ना उत्पादनहरूलाई फरक र अद्वितीय शैली दिन सजिलो छ। कम्पनीले २०३० रोडम्यापमा धेरै सहकार्य पनि बनाएको छ।