काठमाडौं । बलफी हाइड्रोपावर कम्पनीको आईपीओमा १ लाख ३७ हजार ८० कित्ताका लागि आवेदन परेको छ । विक्री प्रबन्धकका अनुसार मंगलवार फागुन ३ गते साँझसम्ममा ७९८ जनाले रू. १ करोड ३७ लाख  ८ हजार बरावरको आवेदन दिएका हुन । 

कम्पनीले माघ २७ गते देखि आयोजना प्रभावित स्थानिय बासिन्दालाई आईपीओ विक्री खुला गरेको हो । कम्पनीले जारी पुँजीको १० प्रतिशत अर्थात १८ लाख २७ हजार ९७० कित्ता स्थानिय बासिन्दाका लागि निष्कासन गरेको हो ।

जसमध्ये १० लाख ९६ हजार ७८२ कित्ता शेयर सिन्धुपाल्चोक जिल्लाको जुगत वडा नं २,३,४ का स्थायिनलाई छुट्याएको छ भने बाँकी रहेको ७ लाख ३१ हजार १८८ कित्ता शेयर आयोजनाका १३२ केभी प्रसारण लाइनबाट प्रभावित जुगल गाृँउपालिकाका वडा नं ५ र ७ ,बलेफी गाउँपालिका वाड नं १,३,६ र ८ तथा सुनकोशी गाउँपालिकाका वडा नं ७ का स्थानियलाई छुट्याएको छ । 

उक्त आइपीओमा स्थानिय बासिन्दाले न्यूनतम १० कित्ता देखि अधिकतम १ लाख कित्ता सम्मका लागि आवदेन दिन सक्नेछन् । आइपीओ निष्कासन बन्द मिती छिटोमा फागुन १२ र ढिलोमा २७ गते सम्म आवेदन दिन सक्नेछन् । कम्पनीले निष्कास गरिहेको आईपीओलाई इक्रा  नेपालले इस्यूअर रेटिङ डबल बि प्रदान गरेको छ । 

जसले कम्पनीको दायित्व बहन गर्ने क्षमतामा औषत जोखिम रहेको जनाउँछ । विक्री प्रबन्धक ग्लोबल आइएमई क्यापिटल लिमिटेड रहेको छ । साथै आवेदकले कुमारी बैंकको जलबिरे शाख,एनसीसी बैंकको ढाँडे शाखा र ग्लोबल आइएमई बैंकको चौतारा शाखा तथा लक्ष्मी बैंकको खाडीचौर शाखर चौतारा शाखाबाट आवेदन दिन सक्नेछन् । त्यसैगरी महालक्ष्मी विकास बैंकको् खाडीचौर शाखा तथा लक्ष्मी र सिन्धु विकास बैंकको खाडीचौर,जलविरे तथा लामोसाँगु शाखाबाट आवेदन दिन सक्नेछन् ।