लाभांश पारीतका लागि प्रुडेन्सियल इन्स्योरेन्सले बोलायो बैशाख ११ मा साधारण सभा

आर्थिकन्यूज
बुधबार, १६ चैत्र २०७८

काठमाडौं । प्रुडेन्सियल इन्स्योरेन्स कम्पनीले वार्षिक साधारण सभा बैशाख ११ गते गर्ने जानकारी गराएको छ । कम्पनीको चैत १५ गते बसेको सञ्चालक समितीको बैठकले पर्साको दियालो लर्डस प्लाजा बीरगञ्जमा दिउँसो १२ः३० बजे गर्ने जानकारी दिएको हो ।

सभाले ७ प्रतिशत बोनस शेयर र शून्य दशमलव ३६८ प्रतिशत नगद लाभांश वितरण गर्ने प्रस्ताव पारित गर्नेछ । साधारण सभा प्रयोजनको लागि कम्पनीले चैत २४ गते एक दिन बुक क्लोज गर्ने जानकारी दिएको छ । यस आधारमा चैत २३ गते सम्म कायम शेयरधनीले साधारण सभामा भाग लिन र लाभांश पाउनेछन् ।