सानिमा लाइफ इन्स्योरेन्सले प्रस्ताव गर्यो लाभांश

आर्थिकन्यूज
बुधबार, ३० चैत्र २०७८

काठमाडौं । सानिमा लाइफ इन्स्योरेन्सले लाभांश प्रस्ताव सार्वजनिक गरेको छ । कम्पनीको चैत २९ गतेको सञ्चालक समितिको बैठकले अघिल्लो आर्थिक वर्ष ०७६/७७ को वितरणयोग्य मुनाफाबाट कुल ४ दशमलव ४२ प्रतिशत लाभांश वितरणको प्रस्ताव गरेको हो ।

हाल कायम चुक्तापूँजी रू. २ अर्बको आधारमा कम्पनीले ४ दशमलव २० प्रतिशत बोनस शेयर र कर प्रयोजनका लागि शून्य दशमलव २२ प्रतिशत नगद लाभांश वितरणको प्रस्ताव गरेको हो । प्रस्तावित यो लाभांश बीमा समितिको स्वीकृति पश्चात कम्पनीको आगामी साधारण सभाले पारित गरेपछि वितरण हुनेछ ।