काठमाडौं । जगदम्बा मोटर्सले असार ९ गते पर्पल हेज रक बारमा आयोजित औपचारिक समारोह मार्फत बीएस भीआइ मोडलको नयाँ ‘टीभीएस अपाचे आरटीआर १६० ४भी आरटीएफआई’ सार्वजनिक गरेको छ। विभिन्न सञ्चारकर्मी, सेलिब्रेटी, नेपाली मोटो भ्लगर र जगदम्बा मोटर्सका प्रतिनिधिहरुको माझमा गरिएको सो कार्यक्रममा लोकप्रिय नेपाली ब्याण्ड कोबवेबको प्रत्यक्ष सांगीतिक प्रस्तुति पनि राखिएको थियो ।      

‘टीभीएस अपाचे आरटीआर १६० ४भी आरटीएफआई’ नेपालमा लामो समयदेखि प्रतिक्षा गरिएको मोटरसाइकल हो जसमा ३ राइड मोडहरू (रेन, अर्बन र स्पोर्ट) जस्ता यस वर्गकै पहिलो र उत्कृष्ट फिचरहर छन् जसले सवारहरूलाई कुनै पनि सवारी परिस्थितिमा अनुकूल बनाउन सजिलो बनाउँछन् । राइड मोडहरूले पावर र एबीएस सेटिङलाई कुनै पनि सवारी अवस्थाहरूमा अनुकूल बनाएर राइडरलाई सहायता गर्दछन्।    

मोटरसाइकलमा रेस ट्युन्ड फ्युल इन्जेक्सन  प्रविधिको बीएस भीआइ अनुरूप इन्जिन रहेको छ जसले राम्रो इन्धनको अर्थतन्त्र, विस्तारित पावर डेलिभरी, इन्जिनको स्थायित्व सुधार र उत्सर्जन नियन्त्रणमा मद्दत गर्छ। यो प्रविधिले मोटरसाइकललाई टिकाउ र वातावरणमैत्री बनाउँछ। यसमा स्मार्ट कनेक्सन जस्ता प्रविधिहरू पनि छन् । जसले सवारीको बारेमा धेरै जानकारीहरू देखाउँछ र ब्लुटुथ मार्फत राइडरको स्मार्टफोनमा जडान गर्नसकिन्छ। थप रूपमा, मोटरसाइकलमा एग्रेसिभ डीआरएल  हेडल्याम्प, एडजस्टेबल ब्रेक र क्लच लिभर, एबीएस जस्ता अन्य धेरै फिचरहरु छन्।