काठमाडौं । रसायन तथा मेडिकल आपूर्ति संघ(क्याम्सन)को १६ औं साधारणसभा यहि शनिबार काठमाडौंमा सम्पन्न भएको  छ । उक्त सभाले भक्तबहादुर हमाल सर्वसम्मतिबाट अध्यक्षमा चयन  भएका छन् । १३ सदस्यीय नव निर्वाचित कार्यसमितिमा १० जनाको सर्वसम्मतिले चयन भएको हो । जसमा निर्वतमान अध्यक्ष सुरेश घिमिर सहित उपाध्यक्षमा उमेशप्रसाद लामिछाने रहेका छन् । 

त्यस्तै महासचिवमा विनोदकुमार मानन्धर, सचिवमा समिर मरहठ्ठा, कोषाध्यक्षमा गणेश प्रसाद सापकोटा रहेका छन् । त्यस्तै केन्द्रिय रेमन्त भट्ट, विजय खनाल, अर्जुन रानाभाट र खडानन्द पाण्डे चयन भएका छन् ।  

शनिबार सम्पन्न उक्त साधारण सभाले संघको विधान संशोधन गर्दै संघको कार्यसमितिको समय अवधि २ वर्षबाट बढाएर अब ३ वर्ष बनाउन लागेको उनले बताए । २०६१ सालमा स्थापना भएको क्याम्सनमा हाल देशभरीका ५०० जना सक्रिय सदस्य रहेको क्याम्सनले जनाएको छ । क्याम्सनले आफ्ना ८ वटा शाखा समेत विस्तार गरिएको निर्वतमान अध्यक्ष घिमिरेले जानकारी दिए ।