प्रिमियर इन्स्योरेन्सको नाफा ४६ प्रतिशत बढ्यो

आर्थिकन्यूज
शुक्रबार, ३१ साउन २०७६

काठमाडौं । प्रिमियर इन्स्योरेन्स कम्पनी गत आर्थिक वर्षमा २४ करोड ५६ लाख खुद नाफा गरेको छ । कम्पनीले अघिल्लो आर्थिक वर्षमा १६ करोड ७८ लाख नाफा कमाएको थियो । अघिल्लो आवको तुलनामा ४६ दशमलव ३१ प्रतिशत नाफा बढेको हो ।
कम्पनीले गत आवमा १ अर्ब ६४ करोड खुद बीमा शुल्क आर्जन गरेको छ । कम्पनीको चुक्तापूँजी अघिल्लो आवको तुलनामा ८४ प्रतिशत बढेर १ अर्ब ७ करोड पुगेको छ । कम्पनीले जगेडा कोषमा १५ करोड ७३ लाख जम्मा गरेको छ । कम्पनीको प्रतिशेयर आम्दानी २२ दशमलव ८६ रुपैयाँ रहेको छ भने प्रतिशेयर नेटवर्थ १६४ दशमलव शून्य ५ रुपैयाँ रहेको छ ।