काठमाडौं । ओरियण्टल होटल्स् लिमिटेडले असोज १३ गते २५औं वार्षिक साधारण सभा बोलाएको छ । होटल्सले राष्ट्रिय सभा गृह सिटी हल, प्रदर्शनी मार्ग, काठमाडौंमा विहान ११ बजे सभा बोलाएको हो ।

सभाले आर्थिक वर्ष ०७८/७९ सम्मको वार्षिक प्रतिवेदन सहितका वित्तीय विवरणहरू पारित गर्नुका साथै आर्थिक वर्ष ०७९/८० को लागि लेखापरिक्षक नियुक्ती र निजको पारिश्रमिक निर्धारणको विषयलाई समेत टुङ्गो लगाउँनेछ ।

यस वर्ष पनि होटल्सले लाभांश प्रस्ताव गरेको छैन् । आर्थिक वर्ष ०७५/७६ पछि होटल्सले लाभांश वितरण गरेको छैन् । कोभिडको कारण परेको असरका कारण होटल्स्ले यो वर्षपनि लाभांश वितरण गर्न नसकेको जानकारी दिएको छ ।

होटल्स्को लाभांश वितरणको इतिहासलाई फर्केर हेर्दा अधिकतम २६ दशमलव ३२ प्रतिशसम्म लाभांश वितरण गरेको अवस्था छ । होटल्सले दुई आर्थिक वर्ष ०७२/७२ र ०७४/७५ मा उक्त अधिकतम लाभांश वितरण गरेको थियो । 

२५औं वार्षिक साधारण सभा प्रयोजनका लागि होटल्स्ले भदौ ३१ गतेदेखि असोज १३ गतेसम्म बुक क्लोज गर्ने भएको छ । बुक क्लोजको आधारमा भदौ ३० गतेसम्म कायम शेयरधनीहरू मात्र सभामा भाग लिन योग्य हुनेछन् ।