युनिलिभर नेपालको नाफा अर्ब नाघ्यो, लाभांश कति देला ?

आर्थिकन्यूज
सोमबार, ०२ भदौ २०७६

काठमाडौं । उच्च शेयर मूल्य रहेको कम्पनी युनिलिभर नेपालले अघिल्लो आर्थिक वर्षको तुलनामा ६ प्रतिशतभन्दा बढी नाफा वृद्धि गरेको छ । कम्पनीले गत आर्थिक वर्षमा १ अर्ब ६ करोड ६६ लाख रुपैयाँ खुद नाफा गरेको छ ।

अघिल्लो आर्थिक वर्षमा कम्पनीको नाफा ९९ करोड ९२ लाख रुपैयाँ रहेको थियो । युनिलिभरको शेयर पुँजी ९ करोड २१ लाख रुपैयाँ रहेको छ । साथै रिजर्भ कोषमा २ अर्ब २३ करोड ३५ लाख रुपैयाँ जम्मा भएको छ । त्यस्तै प्रतिशेयर आम्दानी १५० रुपैयाँ छ । प्रतिशेयर नेटवर्थ २ हजार ५२६ रुपैयाँ पुगेको छ ।