
काठमाडौं । अजोड इन्स्योरेन्स लिमिटेडले मंसिर ९ गते विशेष साधारण सभा बोलाएको छ । कम्पनीको कात्तिक २० गतेको सञ्चालक समितिको बैठकले लैनचौर बैङ्क्वेट, काठमाडौंमा विहान ११ बजे सभा गर्ने निर्णय गरेको हो ।
पूँजी बृद्धि अभियानलाई ध्यानमा राखेर प्रभु इन्स्योरेन्ससँग मर्जर प्रकृयामा रहेको कम्पनीले मर्जरका लागि गठित अध्यन कमिटीलाई अनुमोदन गर्नेछ । मर्जर कार्यका लागि आवश्यक सम्पूर्ण जिम्मेवारी सञ्चालक समितिलाई दिने निर्णय समेत सभाले गर्नेछ ।
कम्पनीले हाल कायम शेयर स्वामित्व परिवर्तनको विषय समेत सभाका लागि तय गरेको छ । हाल कायम ७०ः३० को अनुपातलाई संस्थापक समूहको १९ प्रतिशत शेयर सर्वसाधारणमा परिणत गरी ५१ः४९ प्रतिशत शेयर स्वामित्व कायम गर्ने विषय समेत सभाले स्वीकृत गर्नेछ ।
विशेष साधारण सभा प्रयोजनका लागि कम्पनीले मंसिर २ गते एक दिन बुक क्लोज गर्ने बताएको छ । प्रभु र अजोड इन्स्योरेन्सबीच असार ३२ गते मर्जर सम्बन्धि सम्झौता पत्रमा हस्ताक्षर भएको हो ।
प्रतिक्रिया दिनुहोस