काठमाडौं । प्रिमियर इन्स्योरेन्स लिमिटेडले गत आर्थिक वर्ष ०७८/७९ को लागि कर समेत १५ प्रतिशत लाभांश वितरणको प्रस्ताव गरेको छ । कम्पनीको कात्तिक २९ गतेको सञ्चालक समितिको बैठकले हाल कायम चुक्तापूँजीको ५ प्रतिशतका दरले हुन आउने ६ करोड १३ लाख ८४ हजार २४० रुपैयाँ बोनस शेयर र १० प्रतिशतलका दरले हुन आउने १२ करोड २७ लाख ६८ हजार ४८० रुपैयाँ लाभांश वितरणको प्रस्ताव गरेको हो । 

प्रस्तावित लाभांश नेपाल बीमा प्राधिकरणको स्वीकृति र आगामी साधारण सभाबाट पारित भएपछि पनि मर्जर प्रकृया पुरा गरी एकिकृत कारोबार पछि मात्र शेयरधनीहरूले प्राप्त गर्नेछन् । यो कम्पनी सिद्धार्थ इन्स्योरेन्ससँगको मर्जर प्रकृयामा रहेको छ ।