समिट लघुवित्तले २२.२% लाभांश दिने

आर्थिकन्यूज
मंगलबार, १० भदौ २०७६

काठमाडौं । समिट माइक्रोफाइनान्स वित्तीय संस्थाले २२.२% लाभांश दिने भएको छ । कम्पनीको सोमबार बसेको सञ्चालक समिति बैठकले आर्थिक वर्ष २०७५–७६ को नाफाबाट २१.०९% बोनस र यसमा लाग्ने कर तिर्न १.११% नगद लाभांश दिने भएको छ ।

यसर्थ, कम्पनीले ४ करोड ४३ रुपैयाँ बराबरको बोनस वितरण गर्नेछ । कर तिर्न २३ लाख ३१ हजार रुपैयाँ नगद लाभांश बाँड्नेछ । यो लाभांश नेपाल राष्ट्र बैंक र आगामी वार्षिक साधारण सभाले अनुमोदन गरेपछि मात्र वितरण हुनेछ ।

कम्पनीको लाभांश अनुपात गत वर्ष थोरै कम भएको देखिन्छ । गत वर्ष समिटले २३.५३% बोनस र १.२४% नगद नगद लाभांश दिएको थियो ।