काठमाडौं । जीवन बीमा कम्पनीहरुको बीमाशुल्क संकलन घटेको छ । गत आर्थिक वर्षको कात्तिक मसान्तसम्मको तुलनामा चालु आवको  कात्तिक मसान्तसम्म जीवन बीमा कम्पनीहरुको बीमाशुल्क ४.७९ प्रतिशतले घटेको हो । 

बीमा प्राधिकरणका अनुसार चालु आवको कात्तिकसम्ममा १९ जीवन बीमा कम्पनीहरुले ४६ अर्ब १ करोड १५ लाख रुपैयाँ कुल बीमा शुल्क संकलन गरेका छन् । यस्तो बीमा शुल्क गत आवको सोही अवधिमा ४८ अर्ब ३२ करोड ८६ लाख रुपैयाँ संकलन गरेका थिए । 

यस अवधिमा सर्वाधिक बीमाशुल्क संकलन गर्नेमा नेपाल लाइफ इन्स्यारेन्स रहेको छ । यस कम्पनीले १२ अर्ब ९१ करोड ४६ लाख रुपैयाँ बीमा शुल्क संकलन गरेको छ । त्यस्तै, दोस्रोमा लाइफ इन्स्यारेन्स कर्पोरेशन नेपाल रहेको छ । जसले यसअवधिमा ५ अर्ब ७६ करोड ६५ लाख रुपैयाँ बीमा शुल्क संकलन गरेको छ । 

त्यस्तै, सर्वाधिक बीमाशुल्क संकलन गर्ने जीवन बीमा कम्पनीमा नेशनल लाइफ इन्स्यारेन्स रहेको छ । जसले चालु आवको कात्तिम मसान्तसम्म ५ अर्ब ४९ करोड २ लाख रुपैयाँ बीमाशुल्क संकलन गरेको छ । 

त्यसैगरी, राष्ट्रिय बीमा संस्थानले यस अवधिमा एक अर्ब ४८ करोड १२ लाख, मेट लाइफ इन्स्यारेन्सले एक अर्ब ६८ करोड १६ लाख, एशियन लाइफ इन्स्यारेन्सले दुई अर्ब २७ करोड ९० लाख, गुँरास लाइफ इन्स्यारेन्सले ९४ करोड ४३ लाख, सूर्या लाइफ इन्स्यारेन्सले एक अर्ब ७१ करोड ८९ लाख, बीमा शुल्क संकलन गरेको छ । 

प्राधिकरणका अनुसार यस अवधिमा  अवधिमा प्राइम लाइफ इन्स्यारेन्सले एक अर्ब ५३ करोड ६४ लाख, आईएमई लाइफ इन्स्यारेन्सले एक अर्ब १५ करोड १० लाख, युनियन लाइफ इन्स्यारेन्सले दुई अर्ब ५० करोड १० लाख, ज्योति लाइफ इन्स्यारेन्सले एक अर्ब १८ करोड ८५ लाख, सन नेपाल लाइफ इन्स्यारेन्सले एक अर्ब ३४ करोड ८४ लाख र रिलायन्स लाइफ इन्स्यारेन्सले एक अर्ब २ करोड २६ लाख रुपैयाँ बीमा शुल्क संकलन गरेको प्राधिकरणको तथ्यांकमा उल्लेख छ । 

बीमा प्राधिकरणका अनुसार यस अवधिमा रिलायबल लाइफ इन्स्यारेन्सले एक अर्ब १४ करोड ३७ लाख, सिटिजन लाइफ इन्स्यारेन्सले एक अर्ब ८३ करोड ३ लाख, सानिमा लाइफ इन्स्यारेन्सले ८१ करोड १८ लाख, प्रभु लाइफ इन्स्यारेन्सले ६७ करोड ३२ लाख र महालक्ष्मी लाइफ इन्स्यारेन्सले ५२ करोड ७३ लाख रुपैयाँ बीमा शुल्क संकलन गरेका छन् ।