काठमाडौं । इक्रा नेपाल लिमिटेडको सातौं साधारणसभा असोज १० गते गर्ने भएको छ । सभा दिनको २.३० बजे होटल अन्नपूर्ण दरबारमार्गमा हुने भएको हो । कम्पनीको भदौ १३ गते बसेको सञ्चालक समितिको बैठकले साधारण सभा गर्ने निर्णय गरेको हो । सभाको प्रस्तावमा आव २०७५ ०७६ को प्रतिवेदन पारित गर्ने, सोही आवको आर्थिक प्रतिवेदनमाथि छलफल गरी पारित गर्ने रहेका छन् । 

त्यस्तै,लेखापरीक्षकको नियुक्ति गर्ने र निजको पारिश्रमिक तोक्ने, वर्तमान लेखा परिक्षकलाई पुनः नियुक्ति गर्ने विषयहरु रहेका छन् । साथै, कम्पनीले सञ्चालक समितिले प्रस्ताव गरे बमोजिम चुक्तापुँजीको ३३ दशमलव ६८४२१ प्रतिशत नगद लाभांश स्वीकृत गर्ने विषयको पनि सभामा छलफल हुनेछ ।