एजेन्सी । मारुती सुजुकी इन्डियाले आफ्नो सबैभन्दा लोकप्रिय इन्ट्री लेभल कार अल्टो ८०० बन्द गरेको छ । कम्पनीले अहिलेसम्म कुनै आधिकारिक घोषणा गरेको छैन ।  अटोमेकरले ह्याचब्याक खण्डमा सबैभन्दा धेरै बिक्री हुने कारको उत्पादन बन्द गरेको छ। 

सन् २०१० देखि कम्पनीले अल्टो ८०० को १७,००,००० र अल्टो के १० को ९,५०,००० इकाइहरू बिक्री गरिसकेको छ। यो लामो समयदेखि देशमा सबैभन्दा बढी बिक्री हुने ह्याचब्याक बनेको छ।

कम्पनीले बीएस ६ फेज–२ मापदण्ड अनुसार अल्टो ८०० लाई अपग्रेड गर्न लगानी गर्न नचाहेको भन्दै कारको उत्पादन बन्द गरेको प्रतिवेदनमा उल्लेख छ । अब कम्पनीले स्टकमा रहेका युनिट मात्रै बिक्री गर्नेछ । अल्टो ८०० को उत्पादन बन्द गर्नुको एउटा कारण अल्टो के १० को माग बढेको पनि मानिन्छ । कम्पनीले अल्टो ८०० बन्द गर्ने निर्णय गरेको छ ।