डेढ वर्षपछि मलेसियाको रोजगारी खुल्यो

आर्थिकन्यूज
विहीबार, २६ भदौ २०७६

काठमाडौं । झण्डै डेढ वर्षदेखि बन्द रहेको मलेसियाको रोजगारी आजदेखि खुल्ला भएको छ । नेपाल र मलेसियाको श्रम मन्त्रालयका सहसचिवस्तरीय प्राविधिक समितिबीच आज तत्कालै मलेसियाको रोजगारी खुला गर्ने सहमति भएको छ।

सहमतिसँगै अब नेपाली कामदार शून्य लागतमा मलेसिया जान पाउनेछन् । कामदार जाने प्रक्रियाको सबै खर्च रोजगारदाता कम्पनीले बेहोर्नेछ भने मेडिकलमा भएको खर्च पहिलो महिनाको तलब दिने समयमा रिफन्ड गर्ने समझदारी भएको छ ।