एजेन्सी । एलोन मस्कको कम्पनी टेस्लाले भारतीय मूलका वैभव तनेजालाई नयाँ प्रमुख वित्तीय अधिकारी (सीएफओ) नियुक्त गरेको छ । वैभव तनेजाको स्थानमा जाचरी किर्खोर्नलाई नियुक्त गरिएको छ । कम्पनीले सोमबार  नियामक फाइलिङमा यो जानकारी दिएको हो ।

श्बअजबचथ प्ष्चपजयचल ज्ञघ वर्ष टेस्लासँग काम गरेपछि शुक्रबार (अगस्ट ४) सीएफओ पदबाट राजीनामा दिए। उनी विगत चार वर्षदेखि सीएफओ पदमा कार्यरत थिए । किर्खोर्न यस वर्षको अन्त्यसम्म कम्पनीसँग रहनेछ। तर, विद्युतीय सवारी साधन र सोलार प्यानल बनाउने कम्पनीले यो परिवर्तनको कारण भने खुलाएको छैन ।

४५ वर्षीय वैभव तनेजा हाल सन् २०१९ को मार्चदेखि अमेरिकी अटोमोबाइल कम्पनी टेस्लामा प्रमुख लेखा अधिकृतका रूपमा कार्यरत छन्। अब उनले सीएफओको अतिरिक्त जिम्मेवारी पनि सम्हाल्नेछन् । सीएफओको रूपमा नियुक्ति हुनु अघि, उनी मे २०१८ देखि कम्पनीमा कर्पोरेट नियन्त्रकको पदमा थिए। यसअघि तनेजा सन् २०१७ फेब्रुअरीदेखि २०१८ मेसम्म कम्पनीमा सहायक कर्पोरेट नियन्त्रक थिए ।

वैभव तनेजाले दिल्ली विश्वविद्यालयबाट वाणिज्यमा स्नातक गरेका छन्। उनले जुलाई १९९९ देखि मार्च २०१६ सम्म भारत र अमेरिकामा प्राइस वाटरहाउस कूपर्स कम्पनीमा काम गरे। उनले आफ्नो करियर यही कम्पनीबाट सुरु गरेका हुन् । २०१६ मा, उनी सौर्य ऊर्जा कम्पनी सोलार सिटीमा सरे। सोलार सिटी सन् २०१७ मा टेस्लाले किनेको थियो । त्यसपछि यो वर्ष टेस्लामा वैभव तनेजाको प्रवेश भयो ।