काठमाडौं । काबेली हाइड्रोपावर कम्पनी लिमिटेडले आईपीओ निष्कासन गर्ने विशेष प्रस्ताव पारित गर्नका लागि दोस्रो साधारण सभा आह्वान गरेको छ । कम्पनी सञ्चालक समितिको मंगलवार बसेको बैठकले यही असोज २४ गते कम्पनीको  रजिष्ट्रार कार्यालयमा साधारण सभा गर्ने निर्णय गरेको हो । 

सभा उक्त दिन बिहान १० बजेबाट शुरु हुनेछ । सभामा कम्पनीले शेयरको प्रारम्भिक सार्वजनिक निष्कासन (आईपीओ) गर्ने विशेष प्रस्ताव पारित गर्ने भएको छ । यसका साथै चालु आर्थिक वर्षका लागि लेखापरीक्षकको नियुक्त गरी पारिश्रमिक तोक्नेलगायत विभिन्न प्रस्तावहरू पारित गरिने छ । काबेली हाइड्रोपावरले ताप्लेजुङमा २१ दशमलव ९३ मेगावाट क्षमताको काबेली–३ जलविद्युत परियोजना निर्माण गरिरहेको छ ।