‘चिसो बियर’ले दुर्गेश थापालाई पुर्यायो चिसो खोरमा

आर्थिकन्यूज
मंगलबार, ०५ कार्तिक २०७६

काठमाडौं । हामी पनि नाच्नुपर्छ बीच–बीचमा बोलको तीज गीत गाएर चर्चामा आएका गायक दुर्गेश थापा पक्राउ परेका छन् । उनीलाई ‘ह्याप्पी तिहार चिसो बियर’ बोलको विवादित गीतका विषयमा परेको उजुरीका आधारमा प्रहरीले पक्राउ गरेको हो । उनलाई महानगरीय अपराध अनुसन्धान महाशाखाको टोलीले काठमाडौंको गोंगबुबाट पक्राउ गरेको हो ।

सामाजिक मूल्य मान्यता विपरीत गीत गाएर समाजलाई गलत सन्देश दिने काम कानुनविपरीत हुने भएकाले उनलाई नियन्त्रणमा लिएको प्रहरीले जनाएको छ ।

उनको ‘ह्याप्पी तिहार चिसो बियर’ बोलको गीतमा बियरसँगै गाँजा सेवनलाई पनि प्रोत्साहन गर्ने शब्द समेटिएपछि उनको गीतको चर्को आलोचना भएको हो ।