वीरगन्ज ।  वीरगन्ज महानगरपालिकाद्धारा लागुभएको उज्यालो बिरगंज कार्यक्रमको शुरु भएको छ । उक्त कार्यक्रमको उद्घाटन नगर प्रमुख विजय कुमार सरावगीले गरेका थिए । प्राविधिक उपकरण जडान सकितको लाइटद्धारा महानगरपालिकाको सहरी तथा ग्रामिण भेगलाई उज्यालो बनाउने उदेश्यका साथ महानगरपालिकाले चालु आर्थिक बर्षदेखि लागु उक्त कार्यक्रमको शुरु गरिएको हो ।  

माहानगर भित्र यसबर्ष दसवटा टावर लाईट लगाउने योजना रहेकोे र त्यस मध्ये वार्ड न १९ बिन्दवासीनीको केहुनिया चौक र वार्ड १० अन्तर्गत अदर्शनगर रगशालामा जडान गरिएको छ । बाकी टावर लाइटहरुको यहि कार्तिकको अंतिमसम्मा संचालन भइहाल्ने महानगरपालिकाले जनाएको छ । महानगरपालिकाको सबै सडक तथा चौकहरुलाई अत्याधुनिक पोलबति जडान गरि  बिरगंजलाई उज्यालो बनाउने आफ्नो लक्ष्य रहेको नगरप्रमुख सरावगीले बताएका छन् ।