काठमाडौं । नेपालले भारतसँग किन्ने रेलको लागि पर्सि आइतबार भारतीय टोल नेपाल आउने भएका छन् । नेपालले खरिद गर्ने रेलका विषयमा भारत सरकारसँगको जीटुजी हो । यो रेल दुई देशको सरकारबीचको सहमतिमा किन्ने भएकोले भारतबाट सरकारी टोलीकै प्रतिक्षा गरिरहेको रेल विभागले जानकारी दिएको छ ।

भातरमा लोकसभा निर्वाचन सुरु हुने समयमा नै नेपालले रेल किन्ने प्रक्रिया अगाडि बढाएको थियो । ‘हामीले रेल किन्न लागेको बम्बैको कम्पनीबाट हो । यहाँ चुनाव सकिएकोले अब भारतीय टोली वार्ता र समहतिका लागि आउने भएका छन’, रेला विभागका महानिर्देशक बलरामा मिश्रले शुक्रबार आर्थिक न्युजसँग भने । उनका अनुसार रेल बेच्ने सरकारी टोली आइबार आउने भएका छन् । त्यसपछि सोमबार र मंगलबार दुई पक्षिय वार्ता गरेर मंगलबार नै रेल किन्ने दुईपक्षिय सम्झौता हुने मिश्रले बताए । 

उनका अनुसार यस अघि सरकाले तीन महिना भित्रै रेल किन्ने गरी दिएको स्वीकृतिलाई हामीले कार्यान्वयन गर्ने ढिलो भएको छ । अब भने प्रक्रिया अगाडि बढेको र सम्झौताको तीन महिनामा नै रेल आउने दाबी मिश्रको छ । 

रेल विभागले नेपालमा पहिलो पटक किन्न लागेको डिजेल तथा इलेक्टिकल रेल हाल निर्माण भइरहेको जयनगर जनकपुर खण्डमा चल्ने छ । हाल यो रेल धनुषाको कुर्थादेखि भारतको जयनगरसम्मको जम्मा ३५ किलोमिटरको दूरीमा सञ्चालन हुने छ । त्यसपछि नेपालले रेलमार्ग विस्तार गर्दै सञ्चालनको दूरी पनि बढाउने छ ।

भारतको आर्थिक तथा प्राविधिक सहयोगमा निर्माण भएको रेलमार्गमा नेपालले रेल सञ्चालन गर्ने छ । हाल जयनगरदेखि नेपालको जनकपुर हुँदै बर्दिबाससम्म ६९ किलोमिटर रेलमार्ग निर्माण भइरहेको छ। यो रेलमार्ग पुरानै जनकपुर जयनगरको ५२ किमि दुरीमा चलेको रेलमार्गकै अपग्रेड भर्सन भएको पनि विभागले जानकारी दिएको छ ।

रेल विभागका सिनियर डिभिजनल इन्जिनियर अमन चित्रकारका अनुसार नेपालले खरिद गर्न लागेको(डेमु )डिजेल इलेक्ट्रिक मल्टिपल युनिटु ट्रेन सेट हो। यो रेल किन्न सरकारले ८४ करोड रुपैयाँको बजेट पनि दिएको छ । रेलसहित भारतीय प्राविधिक पनि आउने मिश्रले बताए । अन्य सामान्य कर्मचारी भने हाम्रो आफ्नै हुने छ ।