सोल्टी होटलको बुक क्लोज हुँदै, २६ प्रतिशत लाभांश दिने

आर्थिकन्यूज
मंगलबार, ०३ मंसिर २०७६

काठमाडौं । सोल्टी होटलको ४५औं वार्षिक साधारण सभा पुस २४ गते हुने भएको छ । कम्पनीले शेयरधनीका लागि चुक्तापुँजीको १५ प्रतिशत बोनस शेयर र ११ दशमलव ३१५७ प्रतिशत नगद लाभांश गरी कुल २६ दशमलव ३१५७ प्रतिशत लाभांश वितरण गर्न प्रस्ताव पारित गर्ने भएको छ ।

कम्पनीको मंसिर २ गते बसेको सञ्चालक समितिको बैठकले उक्त निर्णय गरेको हो । साधारण सभा प्रयोजनको लागि कम्पनीले मंसिर २५ गतेदेखि पुस २४ गतेसम्म शेयरधनी दर्ता पुस्तिका बन्द गर्ने जानकारी दिएको छ ।