फरवार्ड कम्युनिटीको ४५ प्रतिशत लाभांश प्रस्ताव

आर्थिकन्यूज
सोमबार, १६ मंसिर २०७६

काठमाडौं । फरवार्ड कम्युनिटी माइक्रोफाइनान्स वित्तीय संस्था असार मसान्तसम्मको कायम चुक्तापुँजीको ४५ प्रतिशत लाभांश प्रस्ताव गरेको छ ।
कम्पनीको मंसिर १५ गते बसेको ८५औं बैठकले ३२ दशमलव ५० प्रतिशत बोनस शेयर र १२ दशमलव ५० प्रतिशत गरी कुल ४५ प्रतिशत नगद लाभांश दिने घोषणा गरेको हो ।
प्रस्तावित लाभांश नेपाल राष्ट्र बैंकको स्वीकृति तथा कम्पनीको आगामी वार्षिक साधारण सभाबाट पारित भएपछि मात्र शेयरधनीले पाउने छन् । हाल कम्पनीको चुक्तापूँजी रू. ३७ करोड ७६ लाख ७२ हजार रहेको छ बोनस वितरण पश्चात सो पूँजी रू. ५० करोड ४ लाख १५ हजार ४०० पुग्नेछ ।