वोमी र नागरिक लघुवित्तको एकीकृत कारोबार मंसिर ३० गतेदेखि

आर्थिकन्यूज
विहीबार, १९ मंसिर २०७६

काठमाडौं । वोमी लघुवित्त र नागरिक लघुवित्तको मर्जपछिको एकीकृत कारोबार मंसिर ३० गते हुने भएको छ । वोमी लघुवित्तले नागरिक लघुवित्तलाई मर्जर गरी वोमी लघुवित्त वित्तीय संस्था लिमिटेडको नामबाट एकीकृत कारोबार हुन लागेको हो ।
दुवै लघुवित्तको असोज २ गते सम्पन्न विशेष साधारण सभाबाट वोमी लघुवित्तले नागरिक लघुवित्तलाई गाभ्ने प्रस्ताव पारित गरेसँगै एकीकृत कारोबारको अन्तिम स्वीकृतिका लागि राष्ट्र बैंकमा संयुक्त निवेदन दिएका थिए । मर्जरपश्चात वोमी लघुवित्तको रजिष्टर्ड कार्यालय बनेपामा रहने छ ।