महुली लघुवित्तले पुस २६ गते लाभांश पारित गर्दै

आर्थिकन्यूज
विहीबार, ०३ पुस २०७६

काठमाडौं । महुली लघुवित्त वित्तीय संस्थाले पुस २६ गते सातौ वार्षिक साधारण सभा गर्ने भएको छ । सभाले २० प्रतिशत बोनस शेयर र बोनस शेयर कर प्रयोजन सहित ११ दशमलव ५८ प्रतिशत नगद लाभांश पारित गर्नेछ ।
कम्पनीले हाल कायम चुक्तापूँजी १० करोड २० लाखको आधारमा लाभांश दिन लागेको हो । मर्जर तथा प्राप्ती सम्बन्धी विषयलाई समेत अघि सार्दै कम्पनीले यसका लागि सबै जिम्बेवारी सभामार्फत सञ्चालक समितिलाई दिने कार्यक्रम पनि तय गरेको छ । साधारण सभा र लाभांशका लागि पुस १४ देखि २६ गतेसम्म बुक क्लोज गर्ने भएको छ ।