लक्ष्मी बैंकको नगद लाभांश शेयरधनीको बैंक खातामा

आर्थिकन्यूज
शुक्रबार, ११ पुस २०७६

काठमाडौं । लक्ष्मी बैंकले नगद लाभांश वितरण गर्न शुरु गरेको छ । बैंकले मंसिर २२ गतेसम्मका कायम शेयरधनीका हितग्राही खातामा अध्यावधिक भएको बैंक खातामा ५ प्रतिशत नगद लाभांश जम्मा गर्न शुरु गरेको हो ।
बैंकको पुस ६ गते सम्पन्न १९औं वार्षिक साधारण सभाले १० प्रतिशत बोनस शेयर ५ प्रतिशत नगद लाभांश पारित गरेको थियो ।
साथै, हालसम्म हितग्राही खातामा शेयर अभौतिकीकरण नगराएका शेयरधनीहरुलाई बैंकले यथाशिघ्र शेयर अभौतिकिकरण गरी हितग्राही खाता तथा बैंक खाताको विवरण बुझाउन समेत अनुरोध गरेको छ ।